ལི་ཐང་བའི་ཁྱིམ་གཞིས།: 二月 2013

2013年2月28日星期四

༼ཁྱོད་སྙན་གསར་མ་དངོས་རེད།༽

<<སྙན་ངག་མ་ཞིག་གི་སྙན་དེབ<<རྒྱང་རིང་གི་སྦྲ་ནག>>་བཀླགས་རྗེས།>>
སྙན་དངགས་སྙན་མོ་འདི་ཡང་ཆུ་ཆེན་ཡིན་ན།།
སྡེབ་སྦྱོར་མཛེས་མོ་འདི་ཡང་འཇའ་ཞིག་ཡིན་ན།།
འོ་མ་བཞུར་སྟངས་འདི་ཡང་ཁ་བ་ཡིན་ན།།
ཐུན་གསུམ་མཚན་མོའི་ཀློང་ནས་བརྐྱང་ཕྱག་ལོས་འཚལ།།

སེན་རྩེ་གསུམ་ཤེད་འདི་ཡང་སྨྱུ་གུ་ཡིན་ན།།
ཚོར་སྣང་གྲང་མོ་འདི་ཡང་ངར་ཤུགས་ཡིན་ན།།
ཞལ་རས་འཛུམ་སྟངས་འདི་ཡང་ལྷད་མེད་ཡིན་ན།།
འཚམས་འདྲི་གྲངས་ཀ་བརྒལ་བའི་ལག་འཇུ་ལོས་བྱ།།

阅读更多博文 »

རས་གཟན་དམར་པོ།

----རང་གི་མིག་སྔར་གྱི་རས་གཟན་ལ་བཤད་པ།

༡༽

རས་གཟན་དམར་པོ། ཁྱོད་གོན་རྗེས་སུ། ང་ནི་སྟོན་པའི་རྗེས་འཇུག་པ་ཞིག་ཏུ་བརྩིས་ནས།ཐ་ན་རྨི་ལམ་ཚུན་ཆད་ཀྱང་དེ་ལྟར་རྨིས་འོང་དུས།ཤ་གསེང་དང་རུས་གསེང་ནས་མཆེད་པའི་ཚོར་འདུ་དག་བརྗོད་དུ་མེད་པའི་ཐ་སྙད་རྫོབ་རོ་ཞིག་བརྩིས་ཡོད།

༢༽

རས་གཟན་དམར་པོ། ཁྱོད་ལ། ལག་པ་རྡེབ་ཤུལ་ན་ཁ་ཕོ་ཟེར་བ་ཞིག་ཡོད་ལ། རྔུལ་ཆུ་ཟགས་ཤུལ་ན་ཐར་པ་ཡོད། འགྲེལ་བཤད་ཡིད་ཚིམ་པ་ཞིག་བརྒྱག་ཆོག་པའི་ཐ་སྙད་དེ། གནས་སྐབས་དང་། མཐར་ཐུག ད་དུང་། བདག་གཞན་མཉམ་བརྗེད། མཐར་གཏུགས་ན་དགག་བྱ་བདེན་མེད་ཀྱི་སྟོང་པ་ཉིད་སོགས། གཞན་གྱིས་བསམ་པའི་ཡུལ་ལས་འདས་འགྲོ

阅读更多博文 »

<<འཁོར་བ་དང་ངེས་འབྱུང་>>

མཐོན་པོའི་སྲིད་རྩེ་རུ་ཡར་ལ་ཐེངས་མང་འགྲིམས་མྱོང་།།
དམའ་བོའི་མནར་མེད་ཀྱི་མར་ཡང་ལན་མང་བཞུད་མྱོང་།།
བསྐལ་བ་གྲངས་མེད་ཀྱི་འདིའི་དབར་འགྲོ་འགྲོ་ཉིད་ནས།།
གཏན་བདེ་ལམ་བཟང་ཞིག་མ་རྙེད་འདི་ལྟར་ལུས་གདའ།།

བསམ་ན་སྲིད་པ་འཁོར་བའི་ཕུན་ཚོགས་ཀྱི་ཡུལ་ན།།
ཡིད་སྨོན་ལན་མང་ཤོར་ནས་འདིར་ཐུག་གི་བར་དུ།།
རྫུན་པའི་སྟོབས་ཀྱིས་སྤྲུལ་པའི་བདེན་གྲུབ་ལ་ཆགས་ནས།།
རྣམ་ཤེས་ཡོད་ཚད་འཁོར་བའི་དངོས་ཚོགས་ལ་བྱིང་འདུག།།

阅读更多博文 »

མེར་སྲེག་དྲན་ཚུལ།

___མེ་མཆོད་ཀྱི་ཉིན་འདི་དག་ལ་བྲིས་པ།

ཉིན་བྱེད་མལ་དུ་འཛུལ་བའི་ས་སྲོད་དེར།།

བྱ་བརྒྱ་ཚང་དུ་ལོག་པའི་དགོང་དྲོ་དེར།།

ཁེར་རྐྱང་ས་མཐའ་འཁྱམ་པའི་སྙིགས་དུས་འདིར།།

སྐྱོ་སྣང་རླུང་གིས་དད་པའི་སྙན་ངག་འབྲི།།

གཤར་མའི་ལམ་ཞིག་འཚོལ་བའི་དུས་རབས་འདིར།།

གཅེས་སྲོག་ཕངས་མེད་སྦར་བའི་དགུན་གཞུང་འདིར།།

མེ་ལྕེ་གྱེན་དུ་འཁྱིལ་བའི་ཉིན་ནག་འདིར།།

ཁོག་པའི་མྱ་ངན་མཚོན་པའི་སྙན་ངག་འབྲི།།

阅读更多博文 »

གསེར་གྱི་འོད་མདངས།

༼༧རྒྱལ་མཆོག་སྐུ་ཕྲེང་བཅུ་བཞི་པ་ཆེན་པོའི་འཁྲུངས་སྐར་ལ་ཕུལ་བ།༽
མུན་པ་ནག་པོས་གངས་ལྗོངས་ཞལ་རས་འགེབས་གྲབས་བྱས་པའི་ཐུ་འོག་ནས།།
ས་ཡ་དྲུག་གི་ལས་དབང་ཆེད་དུ་འོད་ཆེན་སྒྲོན་མེ་སྦར་མཛད་མཁན།།
སྐྱབས་ཀྱི་མགོན་པོ་བསྟན་འཛིན་རྒྱ་མཚོའི་ཞབས་རྡུལ་སྤྱི་བོར་བཀུར་བྱས་ནས།།
དྭངས་གཙང་དྲི་མེད་སེམས་ཀྱི་ཀློང་ནས་བསྟོད་ཚིག་འདི་ཀོ་དལ་གྱིས་འབྲི།།

སྐུ་ཡི་བཀོད་པའི་སྟངས་སྟབས་རེ་ལ་ཞི་བདེའི་འོད་ཞགས་སྟོང་དུ་འཁྱུད།།
ཞལ་གསུང་དབུ་མའི་ཐབས་ཇུས་རེ་ལ་བདེན་པའི་རྒྱལ་ཁ་ལྷང་ལྷང་འཚེར།།
ཐུགས་ཀྱི་གསང་གསུམ་མཛད་འཕྲིན་དག་ལ་དབང་ཆེན་ཚང་པས་འགྲན་མི་ནུས།།
གངས་ཅན་མགོན་པོའི་མཛད་བཟང་འདི་དག་བསམ་ཞིང་བསམ་ན་ཨེ་མ་རྨད།།

阅读更多博文 »

2013年2月27日星期三

<<ཤི་སོང་བའི་<<དུས་དེབ>>་འགའ་ཤས་གླེང་བ།>>

=======མྱ་ངན་དང་འབོད་སྐུལ་ཞུ།

ངས་དྲན་སོས་པ་ཞིག་ལ་འདི་ནས་བརྩིས་པའི་༢༠༠༧ལོའི་ལོ་མཇུག་ལ་ངེད་ཚོའི་ཁམས་ཚན་གྱི་གྲྭ་རྒྱུན་དག་གི་ལོ་འཁོར་གཅིག་གི་ཤག་བརྗེད་བོ་རྒྱབ་པའི་དུས་ཚིགས་ཤིག་རེད་འདོད།དགོང་མོ་དེར་གྲྭ་མང་གི་དམ་བཅའ་གྲོལ་བ་དང་ངས་འཛིན་གྲོགས་ཤིག་ལ་ཁྱོད་ལ་དུས་དེབ་ཡག་པོ་འདྲ་ཡོད་ན་ང་ལ་འཇོག་རོགས་གནང་།ང་སང་ཉིན་ལེན་དུ་ཡོང་རྒྱུ་ཡིན་ཞེས་བཤད་པ་ཡིན།

阅读更多博文 »

ལོག་བཤད། ལོག་བཤད།

ལོག་བཤད།

____སེམས་ཀྱི་འཛིན་པ་དག་གི་ནང་སྙིང་སྔོག་ན།

མི་རྟག་པ་ནི་ཁ་ནས་བཤད་འདྲ།།

རང་ཉིད་རྟག་པ་རྟག་པ་འཛིན་འདྲ།།

མུ་ཏོ་བ་ཡི་གཤིས་ཀ་འདྲ་བའི།།

ང་ནི་ཁྱོད་ལ་ཡ་རེ་མཚར་འདྲ།།

གཞལ་བྱའི་ཆོས་ནི་བདེན་མེད་ཡིན་སྐད།།

ཡོད་ཚད་ཆོས་ནི་བདེན་གྲུབ་འཛིན་འདྲ།།

ཕྱི་ནང་འགལ་བའི་ཚོར་འདུ་ཕྲ་མོ།།

ཁྱོད་ལ་གདའ་བའི་མི་གཤིས་འདྲ་འདྲ།།

སྲེག་གཅད་བརྡར་བའི་བུ་ཞིག་ཡིན་ཚུལ།།

ནང་སྙིང་གཙགས་པའི་མྱི་ཞིག་ཡིན་འདྲ།།

དོན་དམ་ངོར་ན་དད་པའི་རྗེས་འབྲང་།།

ལྟ་བ་ཚང་མ་འགལ་འདུ་འདྲ་འདྲ།།

阅读更多博文 »

སྙན་དངགས་པར། མྱ་ངན་ཞུ།

སྙན་དངགས་པར། མྱ་ངན་ཞུ།

____བོད་ཀྱི་སྙན་དངགས་པ་གཉའ་གོང་ལྷ་བྷེ་ལགས་ལ་མྱ་ངན་དུ།

༡

ཤེལ་ཕོར་ཞིག་རྡོ་ལ་རྡེབ་སོང་བ་བཞིན།

ཁྱེད་རང་སྟེ། འདི་ལྟར་བཞུད་སོང་།

ཤུལ་དུ་ལྷག་པ་ནི། ཁྱེད་ཀྱི་འབྲི་དེབ་དང་།

ད་དུང་། མྱུ་གུ་གཉིས་རེད།

དྲན་ངོས་སུ་གསལ་བ་ནི།

འཛུམ་དམུལ་དམུལ་གྱི་མིག་ཀོང་ཆ་གཅིག་དང་།

དྭངས་གཙང་གི་མྱི་གཤིས་དག་གོ

༢

ལོ་མ་ཞིག་ས་ལ་ལྷུང་བ་བཞིན།

དགུན་གཞུང་གི་དུས་ཚིགས་དེར།

ཁྭ་ཏའི་སྐད་ངན་ཐོས་པས།

ངས་ཀྱང་། མིག་ཆུས་བསྐྱེལ་མ་བྱས་ཡོད།

ཅི་ཡིན། ཅི་ཡང་མིན་ཏེ།

འགན་འཁྲི་ཞིག་གདའ་བའི་ཕྱིར།

2013 2 20ཉིན་ཐོལ་བྱུང་དུ་རྒྱ་གར་ལྷོ་ཕྱོགས་ནས་བྲིས།

མི་ཚེ་དང་འཚོ་བ་གླེང་ན།

<<མི་ཚེ་དང་། ད་དུང་འཚོ་བ།>>
____ཀྱག་ཀྱོག་ཀློང་གི་མི་ཚེ་དང་འཚོ་བ་ལ་བྲིས་པ།

མི་ཚེ་འདི་ལ་གོ་རིམ་ཡོད་མེད་བདག་ལ་ཐེ་ཚོམ་མེད་སོང་སྐད།།

མི་གཤིས་འདི་ལ་དགའ་སྐྱོ་ཟུང་གི་ཚོར་ཤེས་ན་བུན་གདའ་ལུཊ་ཏེ།།
མི་མཁྲེགས་ཅན་གྱི་མི་བུ་བདག་ལ་དཔྱོད་ཤེས་ཕྲ་མོ་མེད་གྱུར་ཡང་།།
མི་ཞིག་ཡིན་པའི་གནས་ལུགས་ཤིག་གིས་ངོ་གདོང་དམར་པོ་གསལ་པོ་མཐོང་།།

རུས་རྐང་གཉིས་པོ་ས་རུ་བཙུཊ་ནས་འགྲུལ་བཞུད་བྱེད་སྟངས་འདྲ་ན་ཡང་།།
སྟབས་བདེ་ཅན་གྱི་དེང་གི་ལམ་བུར་བསྒྱུར་སྟངས་མ་ཤེས་ཐལ་དྲགས་ན།།
འོད་སྟོང་ལྡན་པའི་འབྱུང་འགྱུར་སྣང་བྱེད་གྲིབ་གཟུགས་ཤིག་གིས་སྒྲིབ་བྱས་ནས།།
མི་ཚེ་ཞེས་པའི་གོ་རིམ་ཡོད་ཚད་དབུ་མའི་ལུགས་ཀྱི་བདེན་གྲུབ་ཡིན།།

阅读更多博文 »